Kama
Nanginginig, namamawis
Nanlalagkit na ako ng labis
Bumibigat ang bawat paghinga,
Pintig ng puso ay damang dama
Marahil ay singhap at ungol lang ang lumalabas sa aking bibig,
Salamat naman at walang nakakarinig.
Sa pagputok at pag alab ng nag iinit na damdamin ay mariin akong napapikit
Napatanong sa sarili kung ito na ba ang langit.
Marahas akong napakapit
Sa namamasa ko nang bed sheet.
Umaalog ang aking paningin, palakas ng palakas ang bawat alog,
Hanggang sa ako'y tuluyan nang mahulog.
Maya maya'y kumawala sa aking mga mata
Ang kanina pang nagbabadya na patak ng luha
Pagmulat ko ay napagtanto,
Bangungot lang pala ito
Na ilang beses nang nilagay ang buhay ko sa piligro.
Pero bakit kaya hindi na lang totohanin ang lahat?
Sa kadiliman ay tuluyan nang magpakagat.
Wala nang silbi ang nalalanghap kong hangin
Kung ang reyalidad ko nama'y bangungot din para sa akin
Sobrang masalimuot, sobrang hirap nang dalhin.
Pamilya kong watak watak, kinabukasan ko ay winasak
Mga taong itinuring kong kaibigan,
Ngayon ay iniwan akong nanlalamig sa ere kung saan nila ako iniwan.
Lalaking ginawa akong unan,
Na kapag wala nang mapagpilian, doon lang ako mangunguna sa kanyang listahan.
Nakapag desisyon na ako, wala nang atrasan.
Ang pinag planuhan ay akin nang isasakatuparan.
Isinarado ang bintana, ni lock ng maiigi ang pinto
Sinigurong hindi ako mapapansin ng mundo
Sinindihan na ang posporo
Sinilaban ang mga uling sa harap ko
Ito na talaga, di na ko mag dadalawang isip pa
Nahiga ulit ako sa mahal kong kama,
Lugar kung saan ako isinilang ni Ina,
Lugar kung saan nila ako ginawa ni Ama
Dito nagsimula ang lahat, maganda nang dito ko na rin wakasan.
Aking kama, patawad ngunit ang ating pagsasama ay hindi ko na kaya pang pang hawakan.
Tagumpay. Naisabuhay ang bangungot at nagawang makatotohanan.
Naulit ang bangungot na matagal ko nang tinatakasan.
Nanginginig, namamawis
Nanlalagkit na ako ng labis
Bumibigat ang bawat paghinga,
Pintig ng puso ay damang dama
Marahil ay singhap at ungol lang ang lumalabas sa aking bibig,
Salamat naman at walang nakakarinig.
Sa pagputok at pag alab ng nag iinit na damdamin ay mariin akong napapikit
Napatanong sa sarili kung ito na ba ang langit.
Marahas akong napakapit
Sa namamasa ko nang bed sheet.
Umaalog ang aking paningin, palakas ng palakas ang bawat alog,
Hanggang sa ako'y tuluyan nang mahulog.
Maya maya'y kumawala sa aking mga mata
Ang kanina pang nagbabadya na patak ng luha
Pagmulat ko ay napagtanto,
Sana pala bangungot na lang ito
Na ilang beses nang nilagay ang buhay ko sa piligro.
